“Yaşaya bilməz” dedilər, 15 əməliyyat keçirib ayağa qalxdı

“Yaşaya bilməz” dedilər, 15 əməliyyat keçirib ayağa qalxdı

Başında 26 vint var.

Türkiyənin İstanbul şəhərində avtomobil qəzası keçirən qız 15 əməliyyatdan sonra ayağa qalxıb.

AzNews.az Türkiyə mətbuatına istinadla xəbər verir ki, hadisə 2014-cü ildə baş verib. Belə ki, Özge Karakuş adlı psixologiya fakültəsinin tələbəsi yolu keçmək istəyərkən sürətlə gələn avtomobil onu vurub.

17 gün reanimasiya şöbəsində qalan Özge haqqında həkimlər “Yaşamaq ehtimalı yoxdur” desə də o, həyatda qalmağı bacarıb. Gənc qız 15 dəfə beyin əməliyyatı keçirərək, ayağa qalxıb. Əməliyyatlar zamanı onun başında qırılan sümükləri sabitləmək üçün 25 vint yerləşdirilib.

Özge Karakuş İstanbulda fərdin öz beyin dalğalarını dəyişdirməsinə kömək olan “neurofeedback” adlı təlimdə iştirak edərək, doğulduğu Muğla şəhərində bu təlimlə bağlı özünə iş qurub. Gənc qız “Möcüzə” adlı kitab yazmağa başladığını bildirib.