Yeddi ayda “Azərkosmos” ASC 22 ölkəyə xidmət ixrac edib
Bu ilin ilk yeddi ayında “Azərkosmos” ASC tərəfindən 22 ölkəyə xidmət (peyk telekommunikasiya xidmətləri və optik peyk xidmətləri) ixrac olunub.
AZƏRTAC xəbər verir ki, bu barədə İqtisadi İslahatların Təhlili və Kommunikasiya Mərkəzinin departament rəhbəri Ramil Hüseyn deyib.
"Hesabat dövründə ASC peyk və telekommunikasiya xidmətlərinin ixracından 14 milyon dollar məbləğində gəlir əldə edib. “Azərkosmos”un xidmət ixracından əldə etdiyi gəlir onun ümumi gəlirlərinin 87 faizini təşkil edib. İyulda ASC-nin xidmət ixracının dəyəri 1,3 milyon dollar olub. “Azərkosmos”un yanvar-iyul aylarında xidmət ixracı həyata keçirdiyi əsas ölkələr Fransa, Malayziya, BƏƏ, Almaniya, Gürcüstan və digərləridir", - deyə o qeyd edib.
Şərhlər
Şərhləri göstər Şərhləri gizlət