“Yeni Nəsil 2.0” layihəsi çərçivəsində “Sahibkar 101” video kursları yayımlanıb!

Azərbaycan Respublikası Gənclər və İdman Nazrliyi, “Coca Cola” Fondu, Amerika Birləşmiş Ştatlarının Beynəlxalq İnkişaf Agentliyinin dəstəyi, Kiçik və Orta Biznesn İnkişafı Agentliyi və “Innoland” İnkubasiya Mərkəzinin tərəfdaşlığı və “Youth Inc.” Sahibkarlıq Proqramının təşkilatçılığı ilə həyata keçirilən “Yeni Nəsil 2.0” (New Generation 2.0”) gənc sahibkarlara dəstək layihəsi çərçivəsində, “Sahibkar 101” kurslarına start verilib.

10 noyabr tarixində başlayan “Sahibkar 101” kursları, “Youth Inc.” Sahibkarlıq Proqramı və Biznes İnkubasiya Mərkəzinin veb-saytında, YouTube və sosial şəbəkə səhifələrində yayımlanır. 

İlk təlim "You Will Speak" təsisçisi Günay Rəsulova tərəfindən, "Sahibkar kimdir?" mövzusunda baş tutub. Kurs  daxilində startapa yeni başlayanlar, startapı olanlar və onu inkişaf etdirmək istəyən sahibkarlar üçün geniş və dolğun məlumatlar qeyd olunub. 

Silsilə şəklində davam edəcək “Sahibkar 101” video kursları, startap ilə bağlı olan bütün nüanslara toxunacaq. Eyni zamanda xüsusilə qeyd edək ki, “Youth Inc.”-in veb-saytına əlavə olunacaq video kurslardan sonra, izləyiciləri kiçik imtahan gözləyəcək. Müəyyən limiti keçən iştirakçılar, proqram tərəfindən serifikatla təmin olunacaqlar.

Əlaqə üçün:

“Youth Inc.” Sahibkarlıq Proqramı

PR şöbəsi

Gövhər Manafova

Tel: +994516216460

E-mail: govher.manafova@youthinc.az