Yeni tədqiqatlar itlərin buz dövründə əhliləşdirildiklərini göstərir

Çex Respublikasında aparılan qazıntılar zamanı 28,500 yaşlarında paleolit ​​dövrünə aid heyvanların dişləri aşkar edilib.

Ens.az xəbər verir ki, dişlərin təhlili göstərib ki, yemək tərzlərinə görə müxtəlif olan köpək və qurd kimi heyvanların iki qrupu olmuşdur. Canavar və itin daşlaşmış köpək dişləri tapılıb.

Erkən əhliləşdirilmiş itləri tədqiqatçılar proto-itlər adlandırıblar. Onların dişlərini qurdun dişləri ilə müqayisə edərkən böyük aşınma əlamətləri nəzərə çarpır.

Bu, onların rasionuna qatı qidaların daxil olduğundan xəbər verir. Qurdların dişlərinə isə belə ziyan dəyməyib. Güman ki, daha çox ət yedikləri üçün. Ola bilsin mamontlar onların şikarı olurmuş. Məsələ bundadır ki, ət yemək dişlərdə dərin iz buraxmır. İnsanın yanında yaşayan itllər isə tez-tez heyvan sümüklərini və digər tullantıları gəmirirlər. Alimlər qarşılarına qurdların və ev heyvanlarının dişlərinin aşınma gücünün nə qədər fərqləndiyini dəqiq tapmaq məqsədi qoymuşlar.

İtlərin əhliləşdirilməsi heyvandarlığın ən qədim nümunəsi hesab olunur. Bu, insanların əkinçiliklə məşğul olmağa başlamalarından çox əvvəl baş verib. Lakin alimlər arasında itlərin əhliləşdirilməsinin ən erkən dövrləri ilə bağlı ciddi elmi mübahisələr hələ də dayanmayıb.

Bu, 15000 ilə 40.000 il əvvəl, yəni insanların ovçuluq-yığıcılıq həyat tərzi keçirdikləri Buz dövrü idi. İndiyə qədər elm adamları əhliləşdirmənin niyə canavardan it almaq şəklində başlaması ilə bağlı qəti fikrə gələ bilmirlər. Antropoloqlar üçün əhliləşdirmə prosesi çox vacibdir. Çünki bu, erkən Homo sapiens-in həyatı və davranışı haqqında daha çox məlumat əldə etməyə kömək edəcəkdir.