![Yolları təmir edilən sakinlərdən AAYDA-ya sürpriz](https://ens.az/images/news/bd928a678f298ad0b8efba06227158c3.jpg)
Yolları təmir edilən sakinlərdən AAYDA-ya sürpriz
Xətai rayonu, NZS qəsəbəsinin Mingəçevir və Aşıq Qurban küçələri Novruz bayramı öncəsi təmir edildiyi üçün sakinlər Azərbaycan Avtomobil Yolları Dövlət Agentliyinin işçilərinə maraqlı formada təşəkkür edib.
AAYDA-dan Kult.az-a verilən məlumata görə, sakinlər küçələrinin Novruz bayramı öncəsi təmir olunmasının onlar üçün əsl bayram hədiyyəsi olduğunu deyərək, buna görə tort bişitdirib agentliyə aparıblar.
Sakinləri qəbul edən AAYDA-nin İdarə heyətinin sədr müavini Əvəz Qocayev da öz növbəsində xoş sürpriz üçün başda İdarə Heyətinin sədri Saleh Məmmədov olmaqla, agentliyin bütün əməkdaşları adından onlara öz təşəkkürünü bildirib və diqqətə çatdırıb ki, təmir-bərpa işləri Prezident İlham Əliyevin tapşırıq və sərəncamlarına uyğun olaraq aparılır.
Şərhlər
Şərhləri göstər Şərhləri gizlət