"YouTube videoservisi daha öz platformasında istifadəçiləri təsdiqlənməmiş qumar oyunları, idman yarışlarına pul qoyuluşları və buna bənzər saytlara yönəldən kontentin yerləşdirilməsinə icazə verməyəcək.
Ens.az Oxu.az-a istinadən xəbər verir ki, bu barədə "YouTube" videohostinqi məlumat yayıb.
"YouTube" təsdiqlənməmiş saytlara yerli qanunvericiliyi pozan və "YouTube", yaxud "Google" tərəfindən yoxlanılmamış saytları aid edir.
Dəyişikliklər martın 19-dan qüvvəyə minəcək.
Bundan başqa, qumar kontentlərinin olduğu saytlara çıxış üçün oriyentir ola biləcək təsvir, mətn, loqo və ya ifadələri ehtiva edən məzmun yerləşdirmək mümkün olmayacaq.
