Yoxsulluqdan qurtulmağa mane olan vərdişlər

Yoxsulluq çox vaxt yalnız maddi vəziyyətlə deyil, həm də müəyyən düşüncə tərzi ilə əlaqədardır. Maddi rifah üçün əsas maneə müəyyən psixoloji yanaşmalardır. Onlar hansılardır və onları necə dəyişdirmək olar: Ens.az saytı aşağıda bunlardan daha ətraflı bəhs edir.

1. Ətrafdakı reallıqdan narazılıq

İnsan hesab edir ki, onun arzuolunmaz maliyyə durumunda olmasında özü deyil, ətrafdakı şərait, digər insanlar günahkardır. Həyatında baş verənlərə görə məsuliyyəti öz üzərinə götürmək istəmir. İnsan hər şeyin yalnız ondan asılı olduğunu başa düşməyincə, həyatında dəyişiklik olmayacaq. Yalnız öz üzərinizə məsuliyyət götürməklə müəyyən uğur əldə edə və həyatınızı yaxşılığa doğru dəyişə bilərsiniz.

2. Şəxsi inkişaf qorxusu

İnsan, vəziyyət onu qane etməsə belə,  bir növ sabitliyə davam gətirir. Həyatında nəyi isə dəyişdirməkdən, qeyri-müəyyənlikdən qorxur. Əlində olan şeyləri də itirməkdən, uğursuzluqdan və bacarmayacağından çəkinir. Bu səhv yanaşmadır. Qoyulan hədəflərə cəsarətlə getmək, uğursuzluqları təmkinlə qəbul etmək və nailiyyət əldə etmək üçün hər şeyi etməlisiniz. Nəyinsə alınmayacağından qorxmaq lazım deyil. Qarşıdakı uğura köklənmək lazımdır və o, sizi gözlətməyəcək .

3. Uğurun yalnız başqaları ilə olduğuna inam

İnsan müvəffəqiyyəti,  yalnız özünün əldə edə biləcəyinə inanmır. O nəyə isə yalnız himayədarlıq yolu ilə nail olmağın mümkünlüyünə inanır və hesab edir ki, ciddi əlaqələri yoxdursa, ümid ediləcək bir şey də yoxdur. Bu cür yanaşma insanın öz müflisliyindən xüsusi psixoloji müdafiəsidir. Bu cür yanaşmadan qurtulmaq üçün özünüzə inanmalı və digər insanların uğurlarına sevinməyi öyrənməlisiniz.

4. İsrafçılıq

Maaş alan adam həqiqətən ehtiyacı olub- olmadığını düşünmədən dərhal alış-veriş etməyə çalışır. Bu kiçik məmnuniyyət və sevinc bəxş edir, ancaq uzun sürmür. Buna görə də xərclərinizi diqqətlə planlaşdırmalı, böyük alış-verişlərdən çəkinməli, pula qənaət etməli, sağlamlığınıza, təhsilinizə, özünüz üçün yeni təcrübələrə investisiya qoymalısınız.

5. Sağ qalma əhval-ruhiyəsi

Bu vərdiş bir çox insanda uşaqlıqdan inkişaf edir. İnsan bütün ömrü boyu valideynlərinin çarxda dələ kimi fırlandığını, kiçik maaş üçün işlədiyini və birtəhər yaşamağa çalışdığını, yemək və paltar almaq üçûn çətinliklə pul qazandığını görüb. Və o başqa bir həyatın olduğunu, başqa cür yaşana biləcəyini təsəvvür etmir. Sağ qalmaq üçün deyil, məhz yaşamaq üçün.

İşə yalnız kiçik maaş üçün deyil, yaxşı pul qazanmaq və ehtiyac nədi bilməmək üçün getmək lazımdır. Ətrafınıza baxmalı və dünyanın imkanlarla dolu olduğunu başa düşməlisiniz, sadəcə həyatınızı yaxşılığa doğru dəyişdirmək və zəngin, uğurlu olmaq üçün səy göstərməlisiniz.

6. Bəxtə-bəxt nəyə isə ümid etmək

Kasıb insanlar tez-tez heç səy göstərmədən pulun özlərinə gəlməsini gözləyirlər. Buna görə də, onlar tez-tez şübhəli fırıldaqçılara, maliyyə piramidalarına qarışırlar, slot maşınlarda oynamağa başlayırlar və fırıldaqçıların qurbanı olurlar. Heç nəyin belə asan olmadığını və pulun göydən düşmədiyini başa düşmək lazımdır. Onu qazanmaq üçün çalışmaq lazımdır.

7. Dolanışıqsız qalmaq qorxusu

Hər alış-verişdən sonra insan bunun onun həyatı üçün yetərli olub- olmadığınıdan, sonrakı məvacibinə qədər çatıb-çatmayacağından narahatdır. Bu qorxu insanda tədricən kök salır və gəlir səviyyəsinin artmasına baxmayaraq bundan qurtulmaq o qədər də asan deyil. Kifayət qədər pulunuzun olmamasına görə narahatlıq keçirməmək üçün qıraqda bir qədər pul ehtiyatınız olmalıdır. Bu, gözlənilməz vəziyyət yarandıqda özünüzü daha inamlı hiss etməyə kömək edəcəkdir.

Mənbə: zen.yandex.az