Yüksək Texnologiyalar Parkı ilə STEPİ arasında icra edilən layihə çərçivəsində növbəti onlayn mühazirə dinlənilib

Yüksək Texnologiyalar Parkı ilə  STEPİ arasında icra edilən layihə çərçivəsində növbəti onlayn mühazirə dinlənilib

1 avqust 2022- cil tarixində Yüksək Texnologiyalar Parkı ilə  STEPİ arasında icra edilən layihə çərçivəsində növbəti onlayn mühazirə dinlənilib. 

Gwangju Elm və Texnologiya İnstitutunun (GIST) professoru Lak-Kyoung Sonqun təqdimatında “Universitet və Laboratoriya Startapı (İnkubasiya)” adlı mühazirə Koreya Univesitetlərində startup prosesləri, o cümlədən texnologiyaları kommersiyalaşdırılması, əqli mülkiyyət məsələləri və bu sahədə aktual olan digər mövzulara həsr edilib.  

Qeyd edək ki, professor Lak-Kyoung Sonq 2005-2008-ci illərdə Daedeok Innopolis Fondunun (www.ddinnopolis.or.kr) icraçı direktoru olmuş və burada tədqiqat və inkişaf laboratoriyasının startup proqramı və İnnopolis Yüksək Texnologiyalar Fondu kimi texnoloji kommersiya infrastrukturu yaratmışdır. O, 2009-cu ildən başlayaraq 12 il ərzində Koreyanın ən məşhur elmi mərkəzi olan  KAIST-də (Korea Advanced Institute of Science & Technology) sahibkarlıq fəaliyyəti göstərən professor kimi çalışmışdır. 

Mühazirə zamanı Koreyadakı startup proqramlarından bəhs edilib, iştirakçıların sualları cavablandırılıb.