“Zirə” komandası “Sportinq” klubunun futbolçusunu icarəyə götürüb

Topaz Premyer Liqasında çıxış edən “Zirə” futbol klubu heyətini yeni futbolçu ilə gücləndirib.

AZƏRTAC xəbər verir ki, paytaxt təmsilçisi yarımmüdafiəçi Budaq Nəsirov ilə birillik müqavilə imzalayıb.

Portuqaliyanın “Sportinq” klubundan icarəyə götürülən 22 yaşlı B.Nəsirov daha əvvəl “Turan Tovuz”, “Araz-Naxçıvan”, “Kəpəz” və “Sumqayıt” komandalarında çıxış edib.

Xatırladaq ki, “Zirə” klubu bir müddət əvvəl serbiyalı müdafiəçi Miloş Radivoyeviç ilə də birillik müqavilə imzalayıb.