1 ayda 2 video yükləyən gənc yutuber rekord sayda izləyici qazandı

Amerikada yaşayan Jennelle Eliana adlı bir “Youtube” istifadəçisi sadəcə 2 video yükləyərək qısa müddətdə rekord nəticə əldə edib.

Metbuat.az xarici mediaya istinadla bildirir ki, Jennelle biri 10, digəri 27 dəqiqəlik olan bu iki video ilə 18.5 milyon izlənmə qazanıb.

20 yaşlı gənc qız 1995-ci il model olan “GMC Vandura Explorer” markalı karavanında evcil ilanı Alfredo ilə birlikdə yaşayır.

İlk videosunu 26 iyunda kanalına yükləyən Jennelle “Karavan turu, yalnız qadın səyahətçinin karavan həyatı” başlıqlı video ilə bir anda 5.6 milyon izləyici əldə edib.

Bunun görən Eliana 11 iyulda ikinci videosunu yayımlayıb. Bu dəfə videosuna “bir karavanda yaşayarkən necə duş almaq olar” başlığını qoyub. Bu video ilk videonu keçərək 12 milyon izlənilib.

Bir ay içində yayımlanan bu iki video sayəsində 1 milyon 400 min abunəçi qazanıb.

Daha əvvəl “İnstagram” fenomeni olan gənc qadının 189 min izləyicisi var idi.

Gənc yutuber videolarının bu qədər uğurlu alınmasına təəccüblənərək “bu videoları sadəcə dostlarım və ailəm izləsin deyə hazırlamışdım”deyib.