Alimlər: Taxtabitilər Yer kürəsində insandan xeyli əvvəl məskunlaşıblar

Taxtabitilərin artmasının çox qəribə üsullarını tədqiq edən alimlər belə gözlənilməz nəticəyə gəliblər ki, bu həşəratlar Yer kürəsində insandan xeyli əvvəl məskunlaşıblar.

AZƏRTAC BBC-yə istinadla xəbər verir ki, taxtabitilərin 30 növündən götürülmüş DNT nümunələri onların ən azı 115 milyon ildir mövcud olmasını göstərib.

Bu qaniçən parazitlər hətta özlərinin əzəli heyvan sahiblərindən – yarasalardan 50 milyon il əvvəl əmələ gəliblər. Bu cür gözlənilməz kəşflər “Müasir biologiya” jurnalında dərc edilib.