Azərbaycan atalar sözləri - Birlik və dostluq
- Ağıllı düşmən nadan dostdan yaxşıdır.
- Arxalı köpək qurd basar.
- Baş-başa verməyincə daş yerindən qalxmaz.
- Birisi minə bağlıdır, mini də birə.
- Bir gün düz yediyin yerə, qırx gün salam ver.
- Birlik harada, dirilik orada.
- Bir su ki, girdi qaba, oldu içməli.
- Vəfalı dost yad olmaz, görməsə yüz il səni.
- Qarı düşmən dost olmaz.
- Qoyun quzusunun ayağını basmaz.
- Qonşu qonşuya baxar, Canını oda yaxar.
- Qonşu qonşunun itini bayatı çağıra-çağıra tapar.
- Qonşu iti qonşuya hürməz.
- Qonşu qonşu olsa kor qız ərə gedər.
- Qonşu muncuğunu götürən, onu ancaq gorda taxar.
- Qonşum sağ olsun, ocağından od verməsin.
- Qonşunu iki inəkli istə ki, özün bir inəkli olasan.
- Qonşunun haqqı axirət haqqıdır.
- Qonşu payı dolu gələr, dolu gedər.
- Qonşu paxıl olmasa, bağ çəpəri neylər?!
- Dağ dağa qovuşmaz, insan insana qovuşar.
- Doğru dostluq qərəzsiz olar.
- Dost başa baxar, düşmən ayağa.
- Dost dost tən gərək, tən olmasa gen gərək.
- Dost dosta yaman gündə gərəkdir.
- Dost dar gündə tanınar.
- Dost ziyankar olmaz, ziyankar da dost olmaz.
- Dost yaman gündə tanınar.
- Dost yolunda boran olar, qar olar.
- Dost yolunda can qurban.
- Dostluqla tutub, düşmənliklə yıxma.
- Dost min isə azdır, düşmən bir isə çoxdur.
- Dostun versə qum, Al ovcunda yum!
- Əli ələ vurarsan, səs çıxar.
- Ət ilə dırnaq arasına girən iyiyər, çıxar.
- Yaxşı dostu yaman gündə sına.
- Yaxşı gündə düşmən gələr dost olar, igid odur yaman gündə dayansın.
- Yeməklə dost olan illərlə küsülü qalar.
- Yoldaşını nişan ver, özünü tanıt.
- Sidq ilə dost olan ürəkdən də bir gərək.
- Tək əldən səs çıxmaz.
- Həmnişinin bab ilə, Görən desin habelə.
- Hər şeyin təzəsi, dostun köhnəsi.
- Çox qarışqa bir şiri öldürər.
- Çörək itirən, çörək tapmaz.
Şərhlər
Şərhləri göstər Şərhləri gizlətTəhqiredici, mövzuya aid olmayan və böyük hərflərlə yazılan şərhlər təsdiqlənməyəcək.
Daha Çox