Beşayaqlı heyvan internetdə hamını heyrətləndirib

Femida.az xəbər verir ki, bu barədə “Daily Mail” məlumat yayıb.

Heyvanın sahibi onun sağ qalacağına inanmasa da, adını Hope (tərc. ümid) qoyub. Qüsurlu doğulmasına baxmayaraq, quzu artıq iki həftədir ki, yaşayır. Sahibi olan qadın onu özündə saxlamağa qərar verib.

Beşinci ayağı quzunun sağındadır. Pəncəsi digər ayaqları kimi sağlamdır və iki yerə ayrılır.

Adətən, fiziki qüsurlu doğulan heyvanlar çox yaşaya bilmir. Ancaq quzunu tibbi baxışdan keçirən baytar əmin edir ki, onun heç beşinci ayağının cərrahiyə yolu ilə kənarlaşdırılmasına belə ehtiyac yoxdur. Beşinci ayaq ona uzun və xoşbəxt həyat sürməyə mane olmayacaq.

Bundan əvvəl yanvar ayında İndoneziyada iki əli (ön ayağı) olmayan buzov doğulub. O, insan kimi iki ayağı üzərində gəzməklə hər kəsi heyrətləndirib.