Bill Qeytsin Tesla deyil, Porsche alması İlon Maskın xətrinə dəyib

Ens.az xəbər verir ki, Microsoft həmtəsisçisi isə seçimindən məmnun qalıb.

Microsoft-un həmtəsisçisi Bill Qeyts ilk elektrikli avtomobilini alıb. Bu Porsche Taycan olub. İş adamı seçimindən məmnun qalıb və onu "çox əla avtomobil" adlandırıb, lakin İlon Mask seçimin Tesla olmadığından kədərlənib.

Qeyts yeni maşın alması barədə bloqqer Markus Brounli ilə müsahibə zamanı danışıb. İş adamına iqlim dəyişikliyi və ətraf mühitə uyğun məhsulların istifadəsi ilə necə mübarizə aparmaq barədə sual verilib.

Buna örnək olaraq, Qeyts, sənaye miqyasında alternativ enerji mənbələrindən istifadə edən Tesla şirkətini misal gətirib. Bununla belə, özünün Kaliforniya markasından olan elektrikli avtomobilə deyil, yeni elektrikli Porsche Taycan Turbo elektrikli sedana üstünlük verdiyini əlavə edib.

Sonda Qeyts elektrikli avtomobillərin həddindən artıq baha olmasını tənqid edib və həmçinin qeyd edib ki, Taykan idarə etməkdən zövq alsa da, batareya ilə işləyən avtomobillər güc ehtiyatı baxımından hələ ki, klassik daxili yanma mühərriki olan avtomobillərdən geri qalırlar.

Müsahibə YouTube-da yayımlanan kimi, Twitter istifadəçiləri İlon Maskın səhifəsində Bill Qeytsin niyə Teslanı deyil, Taykanı seçdiyini və elektrikli avtomobilləri güc ehtiyatına görə qınamaqda haqlı olub-olmadığını müzakirə etməyə başlayıblar.

İstifadəçilərdən biri İlon Mask-a şəxsən müraciət edərək hər gün öz elektrikli maşınında işə getdiyini, daim şarj etmək ehtiyacı ilə bağlı problem yaşamadığından belə bir bəyanatdan çox üzüldüyünü yazıb. İstifadəçi belə bir ifadənin satışa mənfi təsir göstərə biləcəyindən narahatlığını bildirib. Qeyts çox ağıllı bir insandır və onun fikrini dinləyəcəklər. Ancaq buna cavab olaraq İlon Mask, özünəməxsus soyuq tərzdə Bill Qeytslə etdiyi söhbətlərin xüsusi təsirli olmadığını yazıb.