Dendrologiya İnstitutunda “Vikipediya”nın təbliği üzrə elmi seminar təşkil olunub

Azərbaycan Milli Elmlər Akademiyasının Dendrologiya İnstitutunda “Vikipediya”nın populyarlaşdırılması…

Azərbaycan Milli Elmlər Akademiyasının Dendrologiya İnstitutunda “Vikipediya”nın populyarlaşdırılması və təbliği üzrə elmi seminar keçirilib.

İnstitutdan AZƏRTAC-a bildiriblər ki, seminarda mövzu ilə bağlı geniş müzakirələr aparılıb. Qeyd olunub ki, Azərbaycan elminin dünyada daha geniş tanıdılması üçün “Vikipediya Virtual Ensiklopediyası” ən önəmli layihələrdəndir. Buna görə institutda çalışan gənc alim və mütəxəssislərin iştiraki ilə viki-qruplar təşkil olunub, “Vikipediya”nın zənginləşməsi üçün “Vikipediya Ensiklopediyasının nəzəri və praktiki əsasları” mövzusunda elmi seminarların ardıcıl keçirilməsi nəzərdə tutulub.

Seminarlarda institutun əməkdaşlarına toplanmış informasiya resurslarının, alimlərimizin kitab və elmi əsərlərinin “Vikipediya”nın tələb və standartlarına uyğun viki-səhifələrdə yerləşdirilməsi öyrədiləcək.