Depressiya beyini 10 il tez qocaldır

Depressiya beyini 10 il tez qocaldır

Depressiya beyinin qocalması prosesini sürətləndirir.

Trend-in məlumatına görə, bu barədə Yel Universitetinin alimləri xəbərdar edirlər.

İlkin araşdırmalar göstərib ki, depressiyalı insanlarda beyin 10 il tez qocalmağa başlayır. Belə ki, depressiyalı pasiyentlərdə beyinin qocalması prosesi 40, digər insanlarda isə 50 yaşında başlayır.

Tədqiqatçıların fikrincə, bu araşdırmanın nəticəsi kişilərlə müqayisədə depressiyadan iki dəfə artıq əziyyət çəkən qadınlarda qocalıqla əlaqədar əqli zəifliyin inkişafının hansı səbəbdən 3 dəfə çox olmasını anlamağa kömək edir.

Cəmi 10 nəfərin iştirak etdiyi ilkin araşdırmanın gələcəkdə daha geniş şəkildə aparılması nəzərdə tutulub.