Dünyanın ən bahalı 10 qəhvəsi

Publika.az dünyanın ən dadlı və ən bahalı qəhvələrinin siyahısını təqdim edir:

1. Luşak qəhvəsi - İndoneziyada hazırlanır. Dünyada ən bahalı qəhvə hesab olunur. Mişk pişiyi qəhvə meyvələrini yedikdən sonra tumlarını mədəsində saxlayır. Daha sonra qıcqırmış qəhvə dənələrini ifrazat halında xaric edir. Bu qəhvənin illik ümumi istehsalı yalnız 380 kiloqramdır. Təbiətdə az tapılan bu qəhvə növünün 1 kilosu 580 dollara satılır.

2. Hacienda La Esmeralda qəhvəsi - Panama təpələrinin üzərində – quava bitkilerinin kölgəsində yetişdirilən Hacienda La Esmeraldanın əvəzolunmaz dadı var. 1 kilosu 350 dollar dəyərindədir.

3. Helena qəhvəsi - Afrika sahillərindən 1200 mil uzaqlıqda yerləşən Helena Adasında yetişdirilir. Bu qəhvənin dadından çox tarixçəsi məşhurdur. Belə ki, Napolyon Bonapart bu qəhvənin tumlarını bəyənib. 1 kiloqramı 190 dollara satılan bu qəhvə dünyanın ən bahalı qəhvələri sırasında 3-cü yerdə qərarlaşıb.

4. El İnyerto qəhvəsi - Qvatemalada yetişdirilən qəhvənin özəlliyi tumlarının dəfələrlə yuyulub təmizləndikdən sonra 2 dəfə üyüdülməsidir. Qiyməti 120 dollardı.

5. Fazenda Sanda Ines qəhvəsi - Brazilyada yetişdirilir. 100 ildir eyni ailə tərəfindən hazırlanan qəhvəninin dadı ətirli çiyələk və karamel dadı verir. Ənənəvi şəkildə hazırlanan bu qəhvənin kilosu 110 dollara satılır.

6. Blue Mountain qəhvəsi - Yamaykada yetişdirilir. Türkiyədə Mavi Dağ Qəhvəsi adı ilə tanınan bu qəhvə, adını Yamaykada olan Mavi Dağdan (Blue Mountain) alıb. Bu bənzərsiz qəhvəni dadmaq üçün 50 dollar ödəməlisiniz.

7. Los Planes qəhvəsi - Əl Salvadorda yetişdirilir. Latın Amerikasında xüsusilə məşhur kofelər əslində bir çoxumuzun bildiyi dadlardandır. Bu qəhvənin ən böyük xüsusiyyəti yumşaq olması və boğazı qıcıqlandırmamasıdır. Siyahının 7-ci sırasında yer alan Los Planesin qiyməti 88 dollardır.

8. Havay Qoya qəhvəsi - Havay adalarının Şimal və Cənub Qoya bölgəsində yetişdirilir. Siyahıda 8-ci yerdə qərarlaşan qəhvənin qiyməti 75 dollardır.

9. Starbucks Ruanda Mavi Burbon qəhvəsi - Bu qəhvə növü Ruandada yetişdirilir. Karamel ətirli bu qəhvənin kilosu 55 dollar təşkil edir.

10.Yauco Selecto qəhvəsi - Porto-Rikoda yetişdirilir. Yerli qəhvə sayılan Yauco Selecto Portorikolu qəhvə sevərlərin rəğbətini qazanmaqla kifayətlənməmiş, tamı ilə bütün dünyada şöhrət qazanıb. Qiyməti isə təqribən 55 dollardır.

Müəllif: Könül Cəfərli