Dünyanın ən güclü pasportları: Azərbaycan neçəncidir?

Dünyanın ən güclü pasportları: Azərbaycan neçəncidir?

"Henley and Partners” şirkəti 2018-ci ildə dünyanın ən güclü pasportlarının reytinqini dərc edib.

Qaynarinfo xəbər verir ki, siyahınn hazırlanmasında əsas kriteriya vizasız səfər edilə biləcək ölkələrin sayı götürülüb.

Siyahıya vətəndaşları 190 ölkəyə vizasız səfər edə bilən Yaponiya başçılıq edir. Uzun illər siyahının birincisi olan Almaniya Cənubi Koreya və Fransa ilə 2-4-cü yerləri bölüşürlər. Bu ölkənin vətəndaşları 188 ölkəyə vizasız səfər edə bilir.

Azərbaycan 76-cı pillədə qərarlaşıb. Vətəndaşlarımızın 66 ölkəyə vizasız səfər etmək imkanı var. Rusiya pasportu 47-ci (99 ölkə), Ukrayna 41-ci (128 ölkə), Gürcüstan isə 50-ci olub.

Ən zəif pasporta malik ölkələr Pakistan, Somali, Suriya, İraq və Əfqanıstan hesab olunur. Bu ölkələrin pasportları 15-30 ölkəyə vizasız getməyə imkan verir.