Dünyanın ən iyrənc qoxuları açıqlandı

Nüfuzlu "Science Alert" jurnalı bu yaxınlarda başa çatmış tədqiqatların nəticələrinə əsaslanaraq düynanın ən iyrənc qoxularının siyahısını açıqlayıb.

Day.Az bildirir ki, ən pis qoxuların mənbələrinin siyahısında Uran planeti, durian meyvəsi, "Rafflesia arnoldii", "Vye Bulon", qədimlərdən qalmış nəcislər və 4 barmaqlı "Tamandua tetradactyla" qarışqayeyəni var.

Uranın atmosferinin yuxarı qatlarında kükürd-hidroksid, ammonium, metan və karbon qazı var. Ammonium-nitrat planetin səthində murdar qoxu verən buludlar yaradır. Kükürd-hidroksid isə lax yumurta iyi verir.

Durian kimi tanınan "Durio zibethinus" meyvəsinin pis qoxusu etil-(2S)-metilbutanoatla etilsulfanil-etantiolun qarışığı nəticəsində yaranır.

"Rafflesia arnoldii" dünyanın ən böyük çiçəklərinə malik parazit bitkidir. Bu bitki çürümüş ət qoxusu yayaraq cəlb etdiyi milçəklərlə qidalanır.

"Vye Bulon" dünyanın ən pis qoxulu pendiri sayılır.

Qədimlərdən qalmış nəcis parçaları sərdabələrdə və qazıntılarda hələ də qoxuyur. Dördbarmaqlı qarışqayeyənin pis qoxusu isə skunsun qoxusundan 7 dəfə güclüdür.