Ens.az saytının fəaliyyətinin yarım illik hesabatı

‘’FAM Group Media’’ MMC-nın məhsulu olan Ens.az saytı 2017-ci il may ayının 1-dən açılmasına baxmayaraq, rəsmi fəaliyyətə 2018-ci ilin iyul ayında başlamışdır. Ens.az saytının informasiya portalı kimi fəaliyyətə başlamasına baxmayaraq, saytın əsas fəaliyyət istiqaməti xəbər və ensikpoledik məlumatların oxuculara təqdim olunmasıdır. Saytımız kriminal və şou xəbərlər istisna olmaqla, ölkə və dünya gündəmində baş verən vacib xəbərləri oxucuların diqqətinə çatdırmaq üzrə öz fəalliyyət siyasətini formalaşdırmışdır. Fəaliyyətimiz dövründə operativ olaraq günlük xəbərlər analiz olunaraq saytımıza əlavə olunmuş və oxucuların diqqətinə çatdırılmışdır. İlk mərhələdə Azərbaycan və rus dillərində xəbərlər əlavə olunmuş, bu ildən isə türk və ingilis dillərində də xəbərlərin əlavə olunmasına başlanılmışdır. Fəaliyyətimiz dövründə hər gün 5000-ə yaxın xəbər analiz edilərək, fəaliyyət prinsiplərimizə uyğun olan 200-300 xəbər əlavə olunmuşdur. Həmçinin maraqlı digər xəbərlər də tərcümə olunmuşdur. Keçən 6 ay ərzində 30 mindən çox xəbər əlavə olunmuşdur. Dekabr ayından başlayaraq, saytımızın ensiklopediya hissəsinə məqalələrin əlavə olunmasına başlanmışdır. İlk olaraq ədəbi əsərlər və bioqrafiyalar əlavə olunmuş və  bir ay ərzində 5000-dən çox ədəbi məqalə və 500-dən çox bioqrafiya əlavə olunmuşdur.  “FAM Group Media” MMC olaraq 2019-cu ildə də xalqımıza daha da yaxşı xidmət etmək arzusu ilə yeni ilinizi təbrik edirik.