Ferqüssonun saqqızı hərracda 517 min dollara satılıb

"Mançester Yunayted"in sabiq baş məşqçisi Aleks Ferqüssonun son matçda çeynədiyi saqqız "eBay" internet-hərracında təqribən 517 min dollara satılıb.

"Report" "SUN" nəşrinə istinadən xəbər verir ki, ser Aleks həmin saqqızı 19 may 2013-cü il tarixində "Vest Bromviç"ə qarşı keçirilən (5:5) "MY"nın sükanı arxasındakı son oyunu zamanı çeynəyib.

Məlumata görə, əldə olunan vəsait "MY"nın xeyriyyə fonduna köçürüləcək.

Ferqüsson "MY"nın baş məşqçi postuna təyin olunanda (1986), həmin pula ortabab futbolçu almaq olardı.