Gəzintinin sağlamlığa faydaları

 Nəhayət, bahar gəldi, günəş havanı isitməyə başladı və səhər qaçışına çıxmaq üçün idman ayaqqabılarını geyinməyin tam vaxtıdır.

Heç kim üçün sirr deyil ki, gündəlik səhər yüngül qaçışları orqanizm üçün əla və faydalı fiziki fəaliyyətdir. Bu, hər kəs üçün maddi cəhətdən əlçatandır və idman zalındakı məşqlər kimi həddindən artıq çətinlik tələb etmir. Amma ABŞ alimləri fərqli fikirdədirlər və hesab edirlər ki, daha çox fayda əldə etmək üçün belə qaçışları sürətli yerişlə əvəz etmək daha uyğundur.

Beləliklə, sürətli yeriş miokard əzələsi üçün çox faydalıdır və hətta yüngül qaçışdan daha çox fayda verir. Bunu Kaliforniya Universitetinin alimləri sübut ediblər. Alimlər 6 il ərzində hər səhər idman hərəkətləri edən, yaşı 18-dən 80-ə qədər olan iki oxşar insan qrupunu müşahidə ediblər. Eksperimentdə ümumilikdə 48 min nəfər iştirak edib.

Təcrübədə iştirak edən bütün şəxslər eksperiment başlamazdan əvvəl müayinədən keçirildi, daha sonra isə 6 ildən sonra onların sağlamlıq vəziyyətinin ümumi göstəriciləri yenidən yoxlanılıb. Nəticələr alimləri çox təəccübləndirdi. Aydın olub ki, ürək-damar sistemi xəstəliklərinin qarşısının alınmasında sürətli yeriş yüngül qaçışdan daha təsirlidir. Faiz göstəricilərinə görə, sürətli yeriş hipertoniyanın inkişaf riskini 7,2%, yüngül qaçış isə 4,2% azaldıb. Ürək xəstəliklərinin qarşısının alınmasında da sürətli yeriş daha təsirli olub: onların yaranma ehtimalını 9,3% azaldıb, yüngül qaçış isə cəmi 4,5% azalma təmin edib.

Həm davamlı qaçış, həm də sürətli yeriş diabet riskini 12% azaldır. Amma səhər fiziki fəaliyyətə başlamazdan əvvəl həkimlə məsləhətləşmək zərər verməz. Gəzintinin faydası nədən ibarətdir?  İlk növbədə, davamlı məşqlər nəticəsində  orqanizmin bütün toxumaları, o cümlədən ürək əzələsi, oksigeni daha aktiv şəkildə qəbul edir. Bundan əlavə, həm qaçış, həm də yeriş zamanı eyni əzələ qrupları işləyir. Buna görə də yeriş, xüsusilə artıq çəkidən əziyyət çəkən və fiziki cəhətdən bir neçə on metrdən artıq qaça bilməyən insanlar üçün qaçışa yaxşı alternativdir.

Mənbə:junonann.com