Hindli Afrikanın sahibsiz ərazisində “krallıq” yaratdı

Planetimizdə heç bir ölkəyə məxsus olmayan bir neçə ərazi var. Onların bəziləri üçün mübarizə aparılır, digərləri isə sadəcə olaraq dövlətlərə lazım olmayıb. Afrikada yerləşən belə ərazilərdən birini Hindistan sakini “ələ keçirməyə” çalışıb.

Şimaldan Misir, qərb, şərq və cənubdan isə Sudanla sərhəddə yerləşən 2060km2 sahəyə malik düzbucaqlı torpaq sahəsi hüquqi ərazidən kənarda qalıb: hər iki ölkə onun üçün iddiasının olmaması aydınlaşdı. Bu ərazi əvvəllər mövcud olmayan su mənbəsinin şərəfinə Bir-Tavil adını daşıyır.

Bir-Tavilin bu iddia statusundan xəbər tutaraq hindli Suyaş Diksit (Suyash Dixit) özünü bu ərazinin kralı elan etdi. O özünün Facebook səhifəsində öz hüquqlarını əsaslandırdı. Onun fikrincə hansısa əraziyə sahib olmaq üçün orda nə isə əkmək kifayətdir. “Kral” ilk toxumları əkdi, onu sənədləşdirdi və son gününə qədər “ölkənin, xalqın və torpağın xeyrinə işləməyə” söz verdi. Öz atasını prezident təyin etdi, digər qohumunu isə baş nazir və hərbi nazirliyin başçısı təyin etdi. İstəyənlərə yeni dövlətin inkişafına investisiya qoymaq və onun vətəndaşı olmaq təklif olunur.

Belə bəyanatları bütün dünyada bəzən eşidirik. Bu yaxınlarda Çexiya vətəndaşı Xorvatiya və Serbiya arasında olan mübahisəli ərazidə dövlət yaratmışdı. Ən məşhur və romantik isə Şimal dənizi platformasında 1967-ci ildə yaradılmış “dəniz torpağı knyazlığı” Silend hesab olunur.

Hətta Bar-Tavil ərazisində hindli novator ola bilmədi: 2015-ci ildə bu əraziyə iki iddia irəli sürüldü: öz Krallığını Şimali Sudan adlandıran amerikalı və Orta Ərazi Krallığı yaratmaq ideyası olan rusiyalı Dmitriy Jixarev.

Tərcümə: Famil Ələkbərov

Mənbə: National Geographic Russia