Yumurta rekordçusu müsahibə verib
Sən demə, sosial şəbəkələrin ulduzu ABŞ-da yaşayır.
51 milyondan çox bəyənmə toplayan Instagram-ın ən məşhur yumurtası Hypebeast nəşrinin jurnalistinə müsahibə verib. Yumurta adını Yudcin adlandırdı və söhbət üçün Nyu-Yorkda (ABŞ) görüşməti təklif etdi.
“Mən dünyaya az da olsa ümid vermək üçün bu imkandan yararlanmağa qərar verdim. Düşünürəm ki, nəyisə dəyişmək üçün məşhur və ya ideal olmağa ehtiyac yoxdur”, - Instagram hesabının müəllifi jurnalistə cavab verib.
“Yumurta” insanlara dəstək üçün minnətdarlığını bildirib, həmçinin bunun qarşılığını verəcəyinə söz verib: “İnternet mənə böyük bir fürsət verdi, buna görə də indi mən eyni şəkildə cavab vermək istəyirəm”.
4 yanvarda sosial şəbəkələrdə ortaya çıxmış ilk yumurta şəkli indiyə qədər 51 milyon bəyənmə qeydi toplayıb. Bu fotoşəkil Instagram tarixində ən məşhur şəkil oldu. Əvvəlki rekordçu 18 milyon bəyənmə toplamış realiti şou ulduzu Kayli Cennerin qızının şəkli olmuşdu.
Son vaxtlar rekordçu yumurta çatlamağa başladı. Yeni şəkillər müvafiq olaraq 9,1 və 5,8 milyon bəyənmə topladı.
Mənbə: segodnya.ua
Şərhlər
Şərhləri göstər Şərhləri gizlət