MADO şirkətinin 42 faizi ərəb şirkətlərinə satılıb

Türkiyənin məşhur MADO şirkətinin 42 faizi satılıb.

Axar.az xəbər verir ki, şirkətin səhmləri Qətərin “Əl Sraiya” və “Venture Kapital” şirkəti tərəfindən alınıb.

MADO-nun baş direktoru Gürol Çıragöz satışla bağlı məlumatı təsdiqləyib:

“20 ölkədə 50 mağazamız var. Bunu daha da artırmaq və qlobal oyunçu olmaq niyyətindəyik. Bu ortaqlıq hədəflərimizi həyata keçirməyə dəstək verəcək”.

Qeyd edək ki, MADO-nun Bakıda da bir neçə restoranı fəaliyyət göstərir.