Məşhur aeroport əməkdaşı 3 ay ərzində zarafat xatirinə baqaj etiketlərini dəyişdirirmiş

Sinqapurda hüquq-mühafizə orqanları müəmmalı cinayətin üstünü açıb: aeroportda sərnişin çemodanlarını təyinatına uyğun olmayan yerə göndərən dələduz aşkar olunub. Lakin “zarafatcılın” motivləri naməlum olaraq qalır.

Çanqi Sinqapur aeroportu nəinki regionda ön böyük avia mərkəzlərdən biridir, həmçinin o dünyada ən yaxşı adını 5 ildir qoruyub saxlayır. Maraqlısı budur ki, 63 yaşlı baqaj xidmətçilərindən biri Tay Bun Ke-nin hərəkəti çox heyrətamiz olub. 8 noyabr 2016-cı ildən başlayaraq üç ay ərzində kişi sərnişinlərin çemodanlarındakı etiketləri dəyişdirirmiş. Nəticədə baqaj lazım olmayan yerə uçurmuş.

Cinayətin üstünün necə açıldığı barədə məlumat verilmir: ola bilsin ki, dünyanın ən yaxşı aeroportu itmiş baqaj statistikasına baxaraq xüsusi araşdırma aparıb. Tay Bun Ke saxlanılandan sonra məlum olub ki, ümumilikdə o 286 çemodanı təyinatı olmayan yerə göndərib. Onun yaramazlığının obyektləri Singapore Airlines, SilkAir və Lufthansa avia şirkətləri ilə uçanlar olub. Baqaj lentindəki sürprizləri London, Honkonq, Manil, Frankfurt, San-Fransisko və digər böyük şəhərlərdə enən insanları gözləyirmiş.

Kişini fevralda tutublar, lakin onun əməlinin motivləri hələ də naməlum olaraq qalır. Aeroport nümayəndələri əmin edir ki, Tay Bun Ke təhlükə yaratmayıb və onun hərəkətlərini “zarafat etmək” istəyi adlandırırlar. Məhkəmə belə yumor hissini qiymətləndirməsə onu cərimə və bir il və ya daha çox müddətə həbs cəzası gözləyir.

Müəllif: Famil Ələkbərov