Nizami Gəncəvinin babası

Nizami Gəncəvinin babası

Nizami Gəncəvinin babası

Nizami Gəncəvinin adı İlyas, atasının adı Yusif, babasının adı Zəki olmuşdur: oğlu Məhəmmədin doğulmasından sonra künyə olaraq Əbu Məhəmməd deyilib. Yəni Əbu Məhəmməd İlyas ibn Yusif ibn Zəki Müəyyəd.

Ədəbi ləqəb kimi şair "Nizami" sözünü seçmişdir

Bəzi qaynaqlarda adı belə keçir:

1) Nizam əd-Din Əbu Məhəmməd İlyas ibn Yusif ibn Zəki ibn Müəyyəd

2) Hakim Camal əd-Din Əbu Məhəmməd İlyas ibn Yusif ibn Zəki ibn Müəyyəd Nizami

3) Camal ad-Din əbu Muhəmməd İlyas bin Yusuf bin Zəkiəddin bin Müəyyəddin əl-Gəncəvi

4) Şeyx Nizamaddin Əbu Mahammad İlyas İbn Yusif İbn Zaki İbn Müayyad...

Qəribəsi oldur ki «Molla Nəsrəddin» jurnalı (21 dekabr 1908, №51) də Şeyx Əbu Məhəmməd İlyas bin Yusif bin Mobid deyə verilir. Yəni babasının adı Zəki və ya Zəkiəddin yox Mobid olaraq qeyd olunub.

Nizami Gəncəvinin babası Zəki Müəyyəd-din , Gəncədə din xadimi və Səlcuqlar sarayına yaxın bir şəxs idi və "Müəyyəd-din" - (dində Allah tərəfindən qüvvət verilən, saxlanılan) tituluna layiq görülüb.

Nizami özü "Leyli və Məcnun" əsərində - atasından danışarkən, babasının adını "Zəki Müəyyəd" adı ilə yad etmişdir:

Əgər babaların adəti ilə atam -

Yusif Zəki Müəyyəd oğlu köçdüsə,

Dövranla necə dava salım?

Bu, dövranın qanunudur, zülm deyil, nə sızlayım?