Qadını qətlindən 100 il sonra dəfn etdilər

1919-cu ildə İngiltərənin Sanderlend şəhərində öldürülən bir rəqqasənin cəsədi itkin düşməsindən bir əsr sonra dəfn edilib. Bu barədə BBC xəbər verir.

Meymi Stüart, rəqqasə kimi çalışmaq üçün yeniyetmə ikən valideynlərindən ayrılıb. 1918-ci ildə dəniz mühəndisi Corc Şottonla ailə qurub. Onlar Uelsdə yaşayırdılar və tez-tez müxtəlif yerlərə köçürmüşlər. Qadın ailəsi ilə son dəfə əlaqə yaradanda 1919-cu il Milad günü idi. Həmin vaxt onun 26 yaşı olub. Bundan sonra ondan xəbər çıxmayıb və ailə onun itkin düşdüyünü elan edib

Şotton qətldə şübhəli bilinərək dindirilir, lakin onu ittiham etmək üçün kifayət qədər dəlil yox idi. Sonradan onun eyni anda ikiarvadlı olduğu üzə çıxır və həbs olunur.

1961-ci ildə Stüartın qalıqları Uelsdəki Qouer yarımadasındakı tərk edilmiş qurğuşun mədənində tapıldı. Qalıqların həmin qadına aid olması onun zinət əşyaları ilə müəyyənləşdirilib. Həmin vaxt artıq Şotton ölmüşdü, ancaq onun həyat yoldaşını öldürdüyünə dair şübhələr qalırdı.

2019-cu ildə, açılmamış cinayətlər haqqında bir televiziya proqramının nümayəndələri Stüartın qardaşı nəvəsi Süzi Oldnoll ilə əlaqə saxladılar və qadının qalıqlarının hələ də Uelsin paytaxtı Kardiffdəki məhkəmə laboratoriyasının dolabında saxlanıldığını bildirdilər. Xanım Oldnoll qohumunun qalıqlarını basdırmaq qərarına gəldi. "Mən dindar deyiləm, amma bunun dəhşətli olduğunu düşündüm. O qətlə yetirildi, 40 il mağaranın qaranlığında qaldı, daha sonra 60 il məhkəmə-tibb laboratoriyasının gizli otağında saxlandı, görünür burada tələbələrə anatomik bir eksponat olaraq göstərilir"dedi o.

Oldnoll, laboratoriyanın məhkəmə-tibb patologiyası doktoru Stiven Lidbitter ilə əlaqə saxladı. Həkim bildirir ki, sözügedən qalıqlardan qurtulmaq üçün ona çoxdan təklif edilmişdi, ancaq qohumlarının çıxa biləcəyini güman etdiyi üçün bu işə cəsarət etməyin. Beləliklə Oldnpll qalıqları təhvil alaraq 2019-cu ilin dekabrında əri ilə birlikdə onun dəfnini təşkil etdi. Sanderlend qəbiristanlığında Stüartın valideynlərinin məzarlarını tapıb, qalıqları yaxınlıqda dəfn edirlər. Oldnoll özünü bundan çox rahat və xoşbəxt hiss etdiyjni deyib; "Qalıqları basdırdıq, çiçəklər qoyduq və mən dərin mənəvi rahatlıq tapdım".

Daha əvvəl, XIX əsrdə "qadın meymun" olaraq bilinən Julia Pastrananın ölümündən 150 il sonra Meksikada dəfn edildiyi bildirilmişdi. Son illərdə mumiya Oslo Universitetinin Anatomiya şöbəsində qapalı bir tabutda saxlanılırdı.

Mənbə: lenta.ru