Sənətçilərin beyni daha fərqlidir

Araşdırmalar nəticəsində məlum olub ki, sənətçilərin beyni normal insanların beynindən xeyli fərqlənir.

Milli.Az musavat.com-a istinadən bildirir ki, "Neurolmage" jurnalında yayımlanan araşdırmanın nəticələrinə görə, sənətçilərin beyin quruluşu başqa işlərlə məşğul olanlarla eyni deyil. Onların beyni doğuşdan fərqli formalaşdığı üçün müəyyən yaşdan sonra sənətçi olmaq o qədər də asan olmur. Sənətçilər beyin quruluşlarına və beyinlərinin funksiyalarına görə, daha həssas olurlar və onlar düşündükləri şeyləri daha yaxşı ifadə edə bilirlər. BBC-nin xəbərinə görə, təhsil və tərbiyə də insanların sənətçi olub-olmamalarına xüsusi təsir göstərir. Lakin təbiətin və ətraf-mühitin beyin quruluşuna təsir edib-etməməsi haqda konkret nəticə əldə olunmayıb. Sənətçilərin dünyanı digər insanlardan fərqli olaraq necə xəyal etdikləri haqda da araşdırma aparılıb.

Məlum olub ki, rəssamların bu məsələ haqqındakı beyinlərində yaratdıqları tablo musiqiçilərdən və digər sahədə çalışan sənətçilərdən xeyli fərqlənir. Gələcəkdə sənətçi olmaq üçün təhsil alan tələbələrin beyin quruluşları da digərlərindən xeyli fərqlidir.