![Ukraynada ilk dəfə rəsmi olaraq Atalar günü qeyd edilir](https://ens.az/images/news/d8e846eb716bd26523ad984cc8f0ffc7.jpg)
Ukraynada ilk dəfə rəsmi olaraq Atalar günü qeyd edilir
Bu gün Ukraynada ilk dəfə rəsmi olaraq Atalar Günü qeyd edilir.
AZƏRTAC xəbər verir ki, ölkə prezidentinin müvafiq fərmanına əsasən Ukraynada ailə institutunun möhkəmlənməsi və uşaqların tərbiyəsində ataların əməyini qiymətləndirmək məqsədilə iyunun üçüncü həftəsinin bazar günü bundan sonra Atalar günü kimi keçiriləcək.
Qeyd edək ki, Atalar günü ilk dəfə 1910-cu ildən ABŞ-da qeyd edilməyə başlayıb. Bu bayramın təşəbbüskarı Vaşinqton ştatından olan xanım Dodd olub. Onun anası vaxtsız vəfat etdikdən sonra atası Uliyam Smart təkbaşına 6 uşağı böyüdüb. Dodd atasına təşəkkür əlaməti olaraq belə bayramım qeyd edilməsi təklifi ilə çıxış edib. 1972-ci ildən isə Atalar günü ABŞ-ın rəsmi milli bayramı kimi qeyd olunur.
Şərhlər
Şərhləri göstər Şərhləri gizlət