Yeni dil öyrənmək üçün 9 ideal sayt

İkinci dil bilmək iş həyatınız üçün çox vacibdir. Bundan başqa, ingilis dilinin dünya miqyasında qəbul edildiyi, bu dili bilən şəxsin dünyanın hər yerində işləyə və yaşaya biləcəyi həqiqəti var.

 TED.az internetin faydalarından necə yararlanacağını bilənlər üçün ən azından “pre-intermediate” səviyyəsinə çatmağa şərait yaradacaq onlayn xidmətləri təqdim edir:

 1. Duolingo

Duolingo ən məşhur onlayn xarici dil öyrənmə xidmətidir. Forumlar və əyləncəli imtahanları ilə dil öyrənmə həvəskarları üçün olduqca yararlı xidmətdir.

 2. Busuu

 Dünyada 50 milyondan çox istifadəçisi və çoxçeşidli dil öyrətmə bacarığı olan Busuu Duolingodan sonra ən populyar xidmətdir.

 3. BBC Languages

BBC təkcə xəbər xidməti deyil, həm də tipik akademiyadır. Saytda yayımlanan xüsusi məqalələr sayəsində məlumatları akademik səviyyədə əldə etmək mümkündür.

Uzun illərdir davam edən BBC Dil Təhsili proqramı ziyarətçilərə ingilis dilini öyrənmək imkanı təqdim edir.

Əgər artıq ingilis dilində danışa bilir və biliklərinizi daha da inkişaf etdirmək istəyirsinizsə, bu xidməti sınamalısınız.

4. Livemocha

Məşhur onlayn dil öyrənmə portalı olan Livemocha vasitəsilə 35 dil öyrənə bilərsiniz.

5. Memrise

Memrise elm və tarixlə maraqlanan qruplar tərəfindən yaradılmış bölmələrdə dil öyrətmə imkanlarına sahibdir. Bu xidmət vasitəsilə sizə maraqlı olan ölkələrin tarixini öyrənə və ya elmin yeniliklərini izləyə bilərsiniz.

6. Verbling

Verbling fiziki dərs kursları əvəzinə onlayn təhsil mütəxəssisləri tərəfindən müxtəlif dillər öyrənə biləcəyiniz xidmətdir.

Skype, Google+ Hangouts On Air tətbiqləri vasitəsilə istər qrup dərsləri, istərsə də fərdi dərslər ala, yeni dil öyrənməyə başlaya bilərsiniz.

7. Babbel

Babbel əvvəlki xidmətlərdən daha üstündür. Dil biliyinizin səviyyəsinə görə bir qrupa qoşulursunuz və dil bilginizi inkişaf etdirməyə başlayırsınız.

Bu veb-sayt qrammatikası, lüğəti, fərqli tələffüz variantları ilə sizə çox şey öyrədəcək.

8. Bitgab

Digərlərindən fərqli olaraq, Bitgab sosial və əyləncəli yollarla dil öyrənməyi təklif edən pulsuz sosial şəbəkədir. Səviyyənizə görə, hər gün filmlər, mahnılar, maraqlı xəbərlərdən ibarət məzmun dərc olunur. Dünyanın fərqli yerlərindən qazanacağınız dostlar və müəllimlərlə görüntülü söhbət etmək imkanınız da olacaq.

Üstəlik, video və ya telefon zəngləri üçün Skype, Google+ Hangout hesabı açmağınıza, tətbiqlər yükləməyinizə ehtiyac yoxdur.

İngilis dilini öyrənməyi əyləncəli hala gətirən nadir xidmətlərdəndir.

9. English Ninjas

English Ninjas ana dili ingilis dili olan müəllimlərlə canlı video-söhbət edə biləcəyiniz platformadır.

İngilis dilini istədiyiniz yerdə, istədiyiniz zaman yüklədiyiniz tətbiq vasitəsilə öyrənməniz mümkündür. Həmçinin istədiyiniz müsahibəni yaddaşda saxlayıb səhvlərinizin üstündən keçə, üzv olduğunuz müddət boyu nail olduğunuz irəliləyişi izləyə bilərsiniz.