1,6 milyon kilometrə kifayət edən litium batareyası hazırlanıb

Öz keçmiş işləmələrindən yararlanaraq, Amerika alimləri, ilk baxışda bir-birilə uyuşmaz görsənən - sabitlik və enerjinin yüksək sıxlığını uyğunlaşdıran lityum-ion batareyası hazırlayıblar. Eyni zamanda, batareyanın dolması və boşalması dövrlərinin sayı 4000-dən çox olub - bu, belə bir batareyası olan elektrikli avtomobilin 1,6 milyon km məsafəni qət etməsi üçün kifayətdir.

Tipik olaraq, elektrikli nəqliyyat vasitələri üçün batareya istehsalçıları təhlükəsizlik və enerji sıxlığı arasında güzəştə gedirlər. Sıxlıq çox yüksəkdirsə, yanğın və ya partlayış ehtimalı var. Lakin təhlükəsiz materiallar ümumiyyətlə aşağı məhsuldarlığa malikdir. EurekAlert bildirir ki, hər iki tələbə cavab verən bir həll yolu yoxdur.

Pensilvaniya ştatı Universitetinin alimləri qeyri-adi yolla getməyə qərar verdilər. Onlar öz strategiyalarını iki mərhələyə böldülər. İlk olaraq çox sabit materiallardan çox etibarlı bir batareya yaratdılar.

İkinci mərhələdə ani istilik əlavə etdilər. Bir neçə il əvvəl bu komandanın alimləri soyuq iqlimlərdə aşağı məhsuldarlıq problemini həll etmək üçün özünü isitmə batareyası hazırlamışdılar. Elektrik cərəyanının köməyi ilə batareya bir neçə saniyə ərzində qızdırılıb və reaktivliyin ani artmına nail olunurdu. Eyni həll indi də istifadə edilib.

Beləliklə, alimlər batareyanın istifadə edilmədiyi zaman yüksək etibarlılığa və lazım olduqda yüksək enerji əldə etməyin bir addımlığındadırlar.

Tədqiqatçılar ixtiranın təhlükəsizliyini sınamaq üçün mismardan istifadə ediblər. Batareyanın enerji elementi mismarla deşildi və qısaqapanma yaradıldı, sonra isə temperatur və gərginlik izlənildi. Passivləşdirilmiş element üçün istilik fərqi adi bir batareya kimi 1000 C deyil, 100 dərəcə Selsi idi.

Batareya sabit materiallardan hazırlandığından uzun xidmət müddətinə malikdir. Hətta 60 dərəcəlik temperaturda belə batareyanın dolması və boşalması dövrlərinin sayı 4000-i keçib - bu 1,6 milyon km-dən çoxdur ki, belə bir batareya ilə elektrikli avtomobil hərəkət edə bilər.

Yeri gəlmişkən, özünü isitmə batareyaları artıq bəzi avtomobil istehsalçıları, xüsusən də BMW tərəfindən istifadə olunur. Bu cür batareyalar Pekində keçiriləcək növbəti Qış Olimpiya Oyunlarında qonaqları daşıyacaq 10 min avtomobildən ibarət elektrikli maşınlar parkını gücləndirmək üçün də seçiliblər.

Alimlər qrupunun növbəti layihəsi, eyni prinsip əsasında yaradılması ehtimal olunan sərt gövdəli bir batareyanın düzəldilməsi olacaq.

ABŞ mühəndisləri yanğından çəkinməyən möhkəm bir polimer elektrolit hazırlayıblar - yüksək temperatura məruz qaldıqda daha da davamlı olur.

Mənbə: hightech.plus