“The European Physical Journal C” jurnalında yeni elmi məqalə dərc edilib
“Ölkə.Az” xəbər verir ki, Kant adına universitetin fizika alimləri qara enerjinin riyazi modellərini incələyiblər. Məlum olub ki, bizim Kainat istənilən daha faciəvi ola bilər.
Yeni sinqulyarlıq modeli göstərib ki, Kainatımız getdikcə daha da təhlükəli olur. Məlum olub ki, bəzi sinqulyarlıqlar istənilən an qəflətən ortaya çıxa bilər. Nə ulduzlar, nə də qalaktika belə bir faciədən sağ qala bilməz.
XX əsrin sənu, XXI əsrin əvvəllərində kosmosla bağlı bir sıra kəşflər edilib. Məsələn, Kainatın genişlənməsi, qara materiya və enerji, qravitasiya dalğaları. 1998-ci ildə alimlər sübut etdilər ki, Kainatımız artan sürətlə genişlənir. Bu sürətlənmənin səbəbi isə Kainatın “qara sahəsi”dir. Kainatın 95.1%-i “qara sektor”un payına düşür. Bu sektorun isə 26.8%-i tünd materiyadan və 68.3%-i qara enerjidən ibarətdir.
Qara enerjinin nə olduğu barədə isə üç hipotez var. Birinci hipotezə əsasən, qara enerji kosmoloji konstantdır. İkinciyə əsasən isə, qara enerji kvintessensiya, yəni zaman və məkana uyğun olaraq dəyişən dinamik sahədir. Üçüncü versiyaya əsasən isə qara enerji qravitasiyaların bir başqa formasıdır.
“Kainatın gələcəyi bu versiyalardan hansının doğru olmasına bağlıdır. Əgər ikinci hipotez düz çıxsa, gələcək çox qəribə və xoş olmayan sürprizlərlə zəngin olacaq. Sürətli genişlənmə zamanı sinqulyarlıq yarana bilər. Məsələn, kvintessensiyanın təzyiqindən partlayış baş verə bilər”, - deyə alimlərdən biri qeyd edib.
Hikmət Həsənov
Şərhlər
Şərhləri göstər Şərhləri gizlət