Ens.az xəbər verir ki, General Motors şirkətinin bütün qlobal modelləri 2023-cü ildə artıq İnternet vasitəsilə müstəqil şəkildə yenilənə biləcək.
Təqdim olunmuş texnologiya General Motors şirkətinin yeni nəsil avtomobilləri, həmçinin elektrokarları üçün əsas olacaqdır. Kompüter sistemi bir saat ərzində 4,5 terabayt-a qədər informasiya emal edə biləcək - belə informasiya həcmi 337 milyon səhifəyə bərabərdir. Sistemi müdafiəli yüksək sürətli simsiz İnternet ilə təchiz edəcəklər ki, o da avtomobilin həyat müddətində bütün elektron xidmət və funksionallıqları - kruiz-nəzarət, təhlükəsizlik sistemi, oğurluqdan müdafiə sistemini və s. yeniləyəcək.
Bununla belə General Motors məhsulları digər avtomobil istehsalçıları kimi çoxdan uzaqdan proqram təminatının yenilənməsini istifadə edən Tesla elektromobillərindən geri qalır. Məsələn: maşının öz-özünə yanması haqqında xəbər yayılandan dərhal sonra şirkət akkumulyator batareyalarının idarə edilməsi üçün yeni proqram təminatı buraxdı. Əslində Tesla sahibləri tezliklə servisi ziyarət etməli olmayacaq - hər şey uzaqdan ediləcək.
General Motors-da məhz hansı elementlərin yenilənəcəyi hələlik məlum deyil. İstehsal təşəbbüskarı Mark Roys hələ üç il əvvəl bəyan etmişdi ki, yenilənmələr avtomobilin əyləc kimi kritik vacib sistemlərinə aid olacaq.
