İtkin asteroid Yerə yaxınlaşır

“İtkin” adı verilən 2010 WC9 asteroidi Yerə yaxınlaşır.

Axar.az xəbər evrir ki, bu barədə Britaniyanın “Northolt Branch” rəsədxanası məlumat yayıb.

Bu asteroid ilk dəfə Arizonadakı Katalin səma görüntüsü ilə 2010-cu ilin 30 noyabrında qeydə alınmışdı. Astronomlar onu dekabrın 1-nə kimi müşahidə edə bilmişdilər.

Daha sonra asteroid yoxa çıxdı. 8 il sonra 2010 WC9 yenidən peyda oldu.

Asteroidin Yerə yaxınlaşması mayın 16-da baş verəcək. Planetimizin 203 min kilometr uzaqlığından keçəcək 2010 WC9 asteroidinin sürəti saatda 46 min kilometr olacaq. Onun diametrinin 60-130 metr olduğu bildirilir.

Astronomlar bildiriblər ki, asteroidin Yerlə toqquşma ehtimalı yoxdur.