Kosmonavt başqa planetlərdə yaşayanlarla görüşmək istəyir

Kosmonavt başqa planetlərdə yaşayanlarla görüşmək istəyir

Rus kosmonavt Oleq Artemyev öz ölkəsinin mətbuatına müsahibəsində səmada keçirdiyi hisslər haqda danışıb.

O, başqa planetlərdə yaşayanlarla görüşmək istədiyini bildirib.

Bizimyol.info xəbər verir ki, Artemyev indiyə qədər Beynəlxalq Kosmik Stansiyaya iki səfər edib. Həm 2014-cü, həm də 2018-ci ildə təxminən 6 ay Yer kürəsindən kənarda olub. Oleq zarafatca deyir ki, göydə yetərincə vaxt keçirməyib, yoxsa indiyə qədər başqa planetlərdə olan məxluqlarla üz-üzə gələrdi. Amma kosmonavt onlarla görüşə çox ümid edir.

Artemyev kosmonavt kəmkarlarından bir az fərqli düşündüyünü söyləyib. O, başqa planetlərdə yaşayanların olduğuna çox inandığını xüsusi vurğulayır.

Oleq kosmosda müxtəlif fotolar çəkməyi çox xoşlayır. Kosmonavt daha çox öz planşetindən istifadə edir. Onun dediyinə görə, bu cihaz yüksək keyfiyyətli adlandırılan fotoaparatlardan daha yaxşı nəticə ortaya qoyur.