Tramp Rusiyaya qarşı sanksiyalarla bağlı qərarı təxirə sala bilər

ABŞ Prezidenti Donald Tramp Rusiyaya qarşı sanksiyaları daha sonra və ya istədiyi vaxt sərtləşdirə biləcəyini bildirib.

Ens.az Oxu.az-a istinadən xəbər verir ki,ABŞ lideri Rusiyaya qarşı sanksiyaların sərtləşdirilməsini nəzərdə tutan qanun layihəsi barədə "Truth Social" sosial şəbəkəsində paylaşım edib.

"Aktı daha sonra və ya istədiyim vaxt imzalaya bilərəm", - deyə Ağ Ev rəhbəri qeyd edib.

Daha əvvəl Tramp Rusiyaya qarşı məhdudiyyətlərin, eləcə də bununla əlaqədar digər ölkələrə tətbiq ediləcək rüsumların ABŞ və dünya iqtisadiyyatı üçün mümkün nəticələrini qiymətləndirmək məqsədilə 60 gün vaxt götürdüyünü bildirmişdi.

Tramp sentyabrın 18-də Konqres tərəfindən qəbul edilmiş, Rusiyanın ali siyasi və hərbi rəhbərliyinə, eləcə də dövlət şirkətlərinə qarşı sanksiyaların sərtləşdirilməsini nəzərdə tutan qanun layihəsini təsdiqləyib.

Təşəbbüs Rusiyadan idxal edilən məhsullara 500%, Rusiya enerji daşıyıcılarının əsas alıcısı olan ölkələrdən idxal edilən məhsullara isə 100% rüsum tətbiq edilməsini nəzərdə tutur.

Qanun layihəsinin mətnində qeyd olunur ki, Vaşinqton administrasiyası bu tədbirlərin ABŞ-nin maraqlarına uyğun olmadığını hesab edərsə, onları tətbiq etməyə bilər.