Venesiyada kanallarda su koronavirus səbəbiylə təmizlənib
İtaliya COVID-19-dan ağır zərərlər almaqdadır. Son həftələrdə 40 minə yaxın insan bu yeni virusa yoluxub. Bu çətin vəziyyət iqtisadiyyata və sakinlərin ümumi vəziyyətinə mənfi təsir göstərir. Ancaq təbiət, əksinə, hələ ki, yalnız qazanır.
Ölkədə sərt karantin rejimi tətbiq olunur. Heç kim ciddi bir səbəb olmadan evdən çıxa bilməz. Artıq nə yerli sakinlər, nə də turistlər əsas görməli yerləri, o cümlədən Venesiya kanalları boyunca gəzmirlər.
Sosial şəbəkələr isə bu gözəl şəhərdə çəkilən foto və videolarla dolub-daşır: balıqlar və köçəri quşlar kanalların yeni sakinlərinə çevrilib. Ens.az saytı yerli mətbuata istinadən xəbər verir ki, adı çəkilən şəhərin küçələrində zibilin miqdarı azalıb. Kanallardakı su nəzərəçarpacaq dərəcədə təmizlənib. Və buraya hətta qu quşları da təşrif buyurub.
İnternet istifadəçiləri faunanın bu gözəl nümayəndələrinin geri qayıtmasına çox müsbət reaksiya göstəriblər.
Mənbə: www.menslife.com
Şərhlər
Şərhləri göstər Şərhləri gizlət