![3 bank Mərkəzi Banka borcunu tam qaytarıb](https://ens.az/images/news/f0d770e8cad9f93a486332e3c670f994.jpg)
3 bank Mərkəzi Banka borcunu tam qaytarıb
Bu il oktyabrın 1-nə olan vəziyyətə görə, ölkədə fəaliyyət göstərən 30 bankdan 22-si Azərbaycan Mərkəzi Bankı (AMB) qarşısında öhdəliklərinin illik dinamikası barədə məlumat verib.
Bu banklardan 3-ü - "Bank of Baku", "Xalq Bank" və "Nikoyl Bank" son 1 ildə tənzimləyici quruma borcunu tam qaytarıb. Yəni, öhdəliklərdə 100% azalma var.
Bununla yanaşı, 5 bank da AMB-yə borcunu qismən azaldıb. Bunlar "Günay Bank", "AGBank", "Atabank", "Muğan Bank" və "Bank BTB"dir. Ən çox azalma "Bank BTB"də (79,9% az), ən az azalma isə "Günay Bank"da (9,8%) qeydə alınıb.
1 bankın - "Premium Bank"ın tənzimləyici quruma borcu 9 dəfə artıb.
12 bankın - "Access Bank", "AFB Bank", "Azərbaycan Sənaye Bankı", "Bank Avrasiya", "Bank VTB Azərbaycan", İran Milli Bankının Bakı filialı, "Naxçıvan Bank", "NBC Bank", Pakistan Milli Bankının Bakı filialı, "PAŞA Bank", "Yapı Kredi Bank Azərbaycan" və "Zıraat Bank Azərbaycan"ın son 1 ildə AMB qarşısında öhdəliyi olmayıb, 1 bankın - "Kapital Bank"ın isə tənzimləyici qurum qarşısında öhdəliyi ötən ilin IV rübündə yaranıb. Odur ki, bu bankların AMB-yə borcunun dinamikasını hesablamaq mümkün olmayıb.
8 bank - "Amrah Bank", "Azərbaycan Beynəlxalq Bankı", "Azər-Türk Bank", "Bank Respublika", "Express Bank", "Rabitəbank", "Turan Bank" və "Unibank" isə AMB-yə borclarının illik dinamikasını açıqlamayıb.
7 bankın Mərkəzi Banka ümumi borcu 96 milyon manatdan çoxdur
Bu il oktyabrın 1-nə olan vəziyyətə görə, ölkədə fəaliyyət göstərən 30 bankdan 22-si Azərbaycan Mərkəzi Bankı (AMB) qarşısında öhdəlikləri barədə məlumat verib ki, bunlardan da 7-si tənzimləyici quruma ümumilikdə 96,04 milyon manat borcludur.
Həmin banklar "AGBank", "Premium Bank", "Muğam Bank", "Atabank", "Günay Bank", "Bank BTB" və "Kapital Bank"dır.
Bu banklardan AMB-yə ən çox borclu olan "AGBank" (32,9 milyon manat), ən az borclu olan isə "Kapital Bank"dır (0,5 milyon manat).
Tənzimləyici quruma borclu olmadığını bəyan edən 15 bank isə "Access Bank", "AFB Bank", "Azərbaycan Sənaye Bankı", "Bank Avrasiya", "Bank of Baku", "Bank VTB Azərbaycan", "Xalq Bank", İran Milli Bankının Bakı filialı, "Naxçıvan Bank", "NBC Bank", "Yelo Bank", Pakistan Milli Bankının Bakı filialı, "PAŞA Bank", "Yapı Kredi Bank Azərbaycan" və "Zıraat Bank Azərbaycan"dır.
8 bank - "Amrah Bank", "Azərbaycan Beynəlxalq Bankı", "Azər-Türk Bank", "Bank Respublika", "Express Bank", "Rabitəbank", "Turan Bank" və "Unibank" AMB qarşısında öhdəliklərini açıqlamayıb.
Şərhlər
Şərhləri göstər Şərhləri gizlət