7 yaşlı uşağın öldüyü hadisə Milli Məclisdə qaldırıldı

7 yaşlı uşağın öldüyü hadisə Milli Məclisdə qaldırıldı

Sumqayıtda məşqçi Mehman Xəlilovun 7 yaşlı uşaqla yanaşı, digər azyaşlı uşaqlara qarşı fiziki zorakılıq edib.

“Ölkə.Az” xəbər verir ki, bunu deputat Kamal Cəfərov parlamentin bu gün keçirilən plenar iclasında çıxışı zamanı deyib.

Onun sözlərinə görə, məşqçi digər azyaşlı uşaqların saçından və başından tutaraq onlara işgəncə verib.

“Odur ki, Gənclər və İdman Nazirliyi məsələyə ciddi yanaşıb, Respublikanın bütün regionlarında idman məşqçiləri ilə söhbətlər aparıb belə hallara yol verilməsinin qarşısını almağa çalışmalıdır. Digər tərəfdən bütün məşq idman zalları videokamera ilə təmin edilməlidir”,- o qeyd edib.

Deputat əlavə edib ki, bu hadisə ciddi siqnal olmalıdır.