Abbasqulu ağa Bakıxanov - Bica yerə etmir qaşına səcdə hər əhbab

Abbasqulu ağa Bakıxanov - Bica yerə etmir qaşına səcdə hər əhbab

Bica yerə etmir qaşına səcdə hər əhbab,
Çünki sayılar qiblə hər an guşeyi-mehrab.

Heyrətdəyəm, aya, nə edir bəhs münəccim,
Basmış ki, sənin qul dağını alnına məhtab.

Dövlət diləyirsənsə, burax dövləti, varı,
Bu ali yer olmaz sənə başqa cürə icab.

Pak eylə ürək qanını qəlbdən nə ki, gözdən,
Dağlarda tutulmaz yolu, artar daha silab.

Üzdən görünər batini hər aşiqin əlbət,
Dağ aldı dəvadən necə gör laleyi-sirab.

Dəvət eləmə sən məni artıq o behiştə,
Mən istəmərəm ol yeri, var orda da xunab.

Qüdsi, nə qəmi yansa cəhənnəmdə bu cismin,
Od vurdu mənim qəlbimə bir mehri-cahantab.