ABŞ 8 ölkədəki hərbi attaşelərini geri çağırdı
ABŞ Müdafiə Nazirliyi bir çox ölkədəki hərbi attaşelərini geri çağırıb.
Publika.az xəbər verir ki, bu barədə “Wall Street Journal” məlumat yayıb.
Bildirilib ki, ABŞ Türkiyə, İngiltərə, Səudiyyə Ərəbistanı, Misir, Pakistan, BƏƏ, Küveyt və İraq kimi yaxın müttəfiqlərindəki diplomatik nümayəndəliklərinə daha aşağı rütbəli hərbçilər təyin edəcək.
Qəzetin Pentaqondakı mənbələrinə istinadən verdiyi xəbərə görə, Müdafiə naziri Mark Esper 24 avqustda bu barədə qərar imzalayıb. Mənbələr Pentaqonun Qana və Ekvador Qvineyası da daxil olmaqla, bir çox Qərbi Afrika ölkələrindəki attaşelərini geri çağırdığını qeyd edib.
Qərar geosiyasi arenada Rusiya və Çinlə mübarizəyə dair qaynaqların yenidən paylanması və ABŞ ordusundakı general və admiralların sayı ilə bağlı ABŞ Konqresi tərəfindən gətirilən məhdudiyyətlərə riayət olunması çərçivəsində qəbul edilib.
2022-ci ilin dekabr ayına qədər ABŞ ordusundakı general və admiral sayında 110 vahid azalma nəzərdə tutulub.
Zümrüd
Şərhlər
Şərhləri göstər Şərhləri gizlət