ABŞ bəzi ölkələri dollara çıxışdan məhrum etməklə hədələyib

ABŞ-nin İrana qarşı tətbiq edəcəyi yeni sanksiyalara əməl etməyən ölkələr faktiki olaraq ABŞ dollarına çıxışdan məhrum edilə bilərlər.

Ens.az Oxu.az-a istinadən xəbər verir ki, bunu ABŞ-nin maliyyə naziri Skott Bessent mətbuat konfransında deyib.

O, ABŞ-nin İrana qarşı yeni sektor məhdudiyyətlərinin dəqiq nə vaxt qüvvəyə minəcəyini açıqlamaqdan imtina edib.

Bessentin sözlərinə görə, ABŞ administrasiyası bununla bağlı bir müddət gözləməyə hazırdır.

"Lakin bütün digər ölkələr bilməlidirlər ki, bu, çox sürətlə irəliləyəcək və biz ciddiyik. İkinci dərəcəli sanksiyalar çox güclü alətdir", - deyə ABŞ Maliyyə Nazirliyinin rəhbəri xəbərdarlıq edib.

"Biz hesab edirik ki, xəbərdarlıq atəşi açmaq və Vaşinqtonun gözləntilərinin nədən ibarət olduğunu izah etmək məqsədəuyğundur. Əgər insanlar bizim gözləntilərimizə cavab vermək istəməsələr, o zaman onlar dollar sistemini tərk etməyə hazırlaşmalıdırlar", - deyə Bessent bildirib.

O, bununla bağlı əlavə təfərrüat açıqlamayıb.