ABŞ HHQ-nin "F-16" qırıcısı Yunanıstanın Zakintos hava limanında qəza enişi edib

ABŞ Hərbi Hava Qüvvələrinin (HHQ) "F-16" qırıcısı Yunanıstanın Zakintos adasının yaxınlığında yerləşən Zakintos hava limanında təcili eniş edib.

"Report" xəbər verir ki, bu barədə "Kathimerini" nəşri məlumat yayıb.

Hazırda təyyarəyə dəymiş ziyan qiymətləndirilir.

Yunanıstan Hərbi Hava Qüvvələri Baş Qərargahının mətbuat katibi Konstantinos Qravalos bildirib ki, təlim uçuşu həyata keçirən təyyarə nasazlıq səbəbindən Zakintos hava limanında qəza enişi edib.

"Pilotun vəziyyəti yaxşıdır. İnsidentin səbəbləri araşdırılır", - o qeyd edib.