ABŞ hipersəs raketlərin hazırlanmasına 1 milyard dollardan çox sərmayə ayıracaq

Amerikanın "Castelion" müdafiə startapı hipersəs raketlərin istehsalını sürətləndirmək üçün 1 milyard dollardan çox sərmayə ayırıb.

"Report"un "The Wall Street Journal"a istinadən məlumatına görə, vəsait investisiya şirkəti "Carlyle", "JPMorgan Chase" bankı və vençur fondu "Andreessen Horowitz" tərəfindən ayrılıb.

"Castelion" bu vəsaiti "Blackbeard" hipersəs raketlərinin istehsalını sürətləndirmək, daha böyük hipersəs zərbə silahları və kütləvi istehsal olunan hava hücumundan müdafiə raketləri hazırlamaq üçün istifadə etmək niyyətindədir.

Nəşrin məlumatına görə, ABŞ hərbi rəhbərliyi Çinin arsenalının artması fonunda hipersəs silah ehtiyatlarını artırmağa çalışır. Eyni zamanda, Pentaqon müdafiə şirkətlərindən "Patriot" da daxil olmaqla ənənəvi hava hücumundan müdafiə sistemlərinin istehsalını artırmağı tələb edir.

"The Wall Street Journal" qeyd edir ki, Ukraynaya çatdırılma səbəbindən Qərbin "Patriot" raket ehtiyatları əhəmiyyətli dərəcədə azalıb və ABŞ-nin İrana qarşı hərbi əməliyyatları Vaşinqtonun öz arsenallarının vəziyyəti ilə bağlı narahatlığını artırıb.