ABŞ-ın vitse-prezidenti və xanımı koronavirus testindən keçəcəklər

ABŞ-ın vitse-prezidenti Maykl Pens və xanımı koronavirus testindən keçmək niyyətindədir.

“Report” TASS-a istinadən xəbər verir ki, bu barədə Maykl Pens Ağ Evdəki mətbuat konfransında bildirib.

Vitse-prezident qeyd edib ki, daha əvvəl onun aparatının əməkdaşlarından biri koronavirusa yoluxub. "Biz bu barədə dünən gecə yarı bildik”, - Pens deyib.

“Mən xəbər verməyə şadam ki, o (aparatın əməkdaşı) özünü yaxşı hiss edir, onda təxminən yarım gün ərzində zəif ifadə olunan əlamətlər var idi, hansılar ki, soyuqdəymə vaxtı olurlar. O, bazar ertəsindən Ağ Evdə deyildi. Nə prezident (Donald Tramp), nə mən bu əməkdaşla birbaşa təmasda olmuşuq", - Pens əlavə edib.

"Mən və arvadım sonra bu gün günorta koronavirus testindən keçəcəyik", - ABŞ-ın vitse-prezidenti bildirib. Onun sözlərinə görə, həkimlər daha əvvəl təsdiq ediblər ki, onun yoluxmasını "güman üçün heç bir əsas etmək yoxdur".

Vitse-prezident vurğulayıb ki, vəzifəsinin əhəmiyyətini nəzərə alaraq ehtiyat üçün testdən keçəcək.

ABŞ-ın Cons Hopkins universitetinin məlumatına görə, ölkədə koronavirusa 22 mindən çox yoluxma qeydə alınıb, azı 278 nəfər ölüb.

Xatırladaq ki, ABŞ-ın vitse-prezidenti Maykl Pensin aparatının əməkdaşında koronavirus aşkarlanıb. Bu barədə vitse-prezidentin mətbuat katibi Keti Millerin bəyanatında deyilir.

Qeyd edilir ki, nə Pens özü, nə də prezident Donald Tramp bu insanla yaxın əlaqələrə malikdir.