ABŞ İrana qarşı sanksiyaları sərtləşdirdi: 14 şəxs və beş şirkət siyahıya salındı

ABŞ İrana qarşı sanksiya siyahılarına 14 fiziki şəxs və beş şirkət əlavə edib.

Ens.az Oxu.az-a istinadən xəbər verir ki,  müvafiq bildiriş ABŞ Maliyyə Nazirliyinin Xarici Aktivlərə Nəzarət İdarəsinin saytında yerləşdirilib.

ABŞ-nin məhdudiyyətləri İraq, BƏƏ, Suriya və Livan vətəndaşlarına şamil olunub. Sanksiyaya məruz qalan şirkətlər isə İraq, BƏƏ və Livanda qeydiyyatdan keçib.

Bundan əlavə, ABŞ Maliyyə Nazirliyi İrana qarşı sanksiya siyahılarına daxil edilmiş şəxslərlə maliyyə əməliyyatlarının aparılmasına icazə verən lisenziyaların verilməsi qaydasında dəyişikliklər edib. Qurumun saytında yerləşdirilən sənəddən məlum olur ki, müvafiq müraciətlər rədd ediləcək. İstisna yalnız belə müraciətlərə baxılmasını qanun tələb etdikdə və ya ərizəçinin həyatına, yaxud sağlamlığına təsdiqlənmiş təhlükə yarandıqda edilə bilər.

Sanksiya siyahısına daxil edilmə ABŞ-dəki aktivlərin dondurulması və ABŞ vətəndaşlarına, eləcə də şirkətlərinə siyahıdakı şəxslərlə biznes əlaqələri qurmağın qadağan edilməsi deməkdir.