ABŞ İrana zərbələr endirməyə başlayıb

ABŞ "Apache" helikopterinin vurulmasına cavab olaraq İrana qarşı zərbələr endirməyə başlayıb.

Ens.az Oxu.az-a istinadən xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) "X" sosial şəbəkəsində məlumat yayıb.

"ABŞ Mərkəzi Komandanlığının (CENTCOM) qüvvələri bu gün Şərq vaxtı ilə saat 17:00-da (Bakı vaxtı ilə iyunun 10-u saat 01:00 - red.) ali baş komandanın göstərişi ilə ABŞ ordusuna məxsus "Apache" helikopterinin dünən məhv edilməsinə cavab olaraq özünü müdafiə məqsədilə İrana zərbələr endirməyə başlayıb", - deyə paylaşımda bildirilir.

CENTCOM vurğulayır ki, ABŞ ordusunun hərəkətləri "İranın əsassız təcavüzünə mütənasib bir cavab" olub.