ABŞ İranın komanda mərkəzlərinə və raket bazalarına hücum edib

ABŞ hərbi qüvvələrinin Mərkəzi Komandanlığı (CENTCOM) İran ərazisinə yönəlmiş növbəti hücum dalğasının yekunlaşdığını bəyan edib.

Ens.az Oxu.az-a istinadən xəbər verir ki, bu barədə CENTCOM-un "X" sosial şəbəkəsindəki rəsmi hesabında bildirilib.

"Mərkəzi Komandanlıq ardıcıl olaraq doqquzuncu gecə İrana qarşı həyata keçirilən zərbələri tamamlayıb", - deyə açıqlamada qeyd olunub.

Komandanlığın açıqlamasında hədəf alınan obyektlər sırasında komanda-idarəetmə mərkəzlərinin, sahil nəzarət məntəqələrinin və hava hücumundan müdafiə qurğularının, həmçinin hərbi dəniz vasitələrinin, raket və pilotsuz uçuş aparatlarının dislokasiya yerlərinin olduğu vurğulanıb.