ABŞ İranın nüvə obyektlərini vura bilər: Trampdan sərt xəbərdarlıq

ABŞ Prezidenti Donald Tramp İranın nüvə obyektlərinə böyük zərbə endirməyi düşünür.

Ens.az Oxu.az-a istinadən xəbər verir ki,bu barədə ABC telekanalı məlumat yayıb.

Onun sözlərinə görə, Vaşinqton administrasiyasının rəhbəri İrana qarşı müxtəlif tədbirlər variantlarını nəzərdən keçirir ki, bunlardan biri də nüvə, eləcə də hərbi və hökumət obyektlərinə güclü zərbə endirməkdir.

Qeyd edək ki, daha əvvəl "The Wall Street Journal" da məlumat yaymışdı ki, Tramp həmçinin Tehranı Vaşinqtonun nüvə sazişindəki əlverişli şərtləri ilə razılaşmağa təşviq etmək və eyni zamanda tammiqyaslı hücumdan yayınmaq üçün İranın hərbi və dövlət obyektlərinə məhdud hücum etməyi nəzərdən keçirir. Qeyd edilirdi ki, bir neçə gün ərzində həyata keçirilə biləcək bu cür addımlar tez-tez səslənsə də, ABŞ lideri hələ İrana hücumla bağlı yekun qərar verməyib. Fevralın 19-da Tramp İranla razılığa gəlmək üçün maksimum 15 gün vaxtının olduğunu bildirib.